Бөлүмдөр
Шейшемби, 17-сентябрь
Жалал-Абад облусуАксы району 14.07.2016 08:39

Айыл турмушу: Аксылык уз-чебер А.Батырканованын эмгектерине Америка, Түрксмөнстан жана Казакстандан бери буюртма беришет (фото)

Turmush -  Жалал-Абад облусундагы Аксы районунун тургуну Ажар Батырканова кызы Бермет Жолдошова менен бирге кыздарга сеп даярдоо менен алектенишет. Аларга буюртмалар чет мамлекеттен көп түшөт. Түркмөнстандын ырчысы Динара үйүн жасалгалоо үчүн аларга буюртма берип турат. Бул тууралуу уз айым аймактык кабарчы менен болгон маегинде билдирди.

«Мен кичинекей кезимден бери эле чеберчилик менен алектенип келем. Апам, таенем дагы уз-чебер. Ошолордон улам менин чеберчиликке болгон кызыгуум артып, ийне кармап, чебер болуп калдым. Учурда кыздарга сеп даярдайм. Мага кызым жардам берет. Башында кызыкканым үчүн гана туугандардын төшөнчүлөрүн тигип берип келсем, 4 жылдан бери кызым менен буюртма ала баштадык», - деди А.Батырканова.

Эмгектеринин дизайндарын дагы эне-бала өздөрү ойлоп табышат.

«Бизге ар кандай буюртмалар келет. Бөз үйлөргө салынуучу төшөнчүлөрдү, жаздыктарды дагы тигебиз. Бизге кандай буюртма берилсе дагы кардардын оюндагыдай жасоого аракет кылабыз. Буюртмаларды Түркмөстан, Казакстан, Америкадан көп алабыз. Түрмөнстандык ырчы биздин туруктуу кардарыбыз. Ал бөлмөлөрүн жаңы стилге алмаштырган сайын бизге кайрылат. Биз анын айтканындай жасап беребиз. Апам экөөбүз үйдүн бир бөлмөсүн ишкана кылып ачып алганбыз», - деди кызы Бермет.

Мындан сырткары, алар кыздардын түрдүү улуттук кийимдерин, унаанын жабдууларын, көшөгөлөрдү, баштыкчаларды, бешиктин жабдуулары сыяктуу буюмдарды жасашат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×