Бөлүмдөр
Шейшемби, 17-сентябрь
Жалал-Абад облусуАксы району 21.01.2017 16:35 На русском

Айыл турмушу: Аксылык Жалын АКШда популярдуу болгон «аппалуза» тукумундагы ат багат (фото)

Turmush -  Аксы районунун Итагар айылынын тургуну Жалын Абдрашит уулу дүйнөгө таанымал болгон «аппалуза» тукумундагы ат багат.

Жалын Абдрашит уулу «аппалуза» тукумундагы чаар ат эмнеси менен айырмаланганын Turmush басылмасынын кабарчысына айтып берди.

«Биз мурда дагы чаар ат мингенбиз. Ал ат өзүбүздүн жылкынын балдары болчу. Ал эми бул атты базардан сатып алганбыз. Бул дүйнөгө таанымал «аппалуза» тукумундагы ат экенин көп угам», - деди ал.

Ж.Абдирашит уулунун айтымында, чаар аттар ишке абдан жөндөмдүү жана мүнөзү боюнча жоош келет.

«Чаар ат ишке абдан жөндөмдүү. Талаада минип жүрсөң дагы чарчабайт. Көп адамдар бул атка кызыгышат. Мүнөзү дагы абдан жоош. Башка аттарга окшоп үркүгөнүн көргөн эмесмин», - дейт ал.

Өзгөчө түсү бар атты ал 2 жыл мурда Аксыдагы базарлардын биринен сатып алган. Ал мындай түстөгү ат дүйнөгө таанымал экенин көп деле аңдаган эмес.

2

«Бул атты кадимки аттардай эле базардан 40 миң сомдун тегерегинде сатып алганбыз. Кошуналарым бул атты издеп жүргөндөр көп экенин айтып калышат. Учурда мен минип жүргөн ат 4-5 асый болуп калды, аны сатайын деп жатам», - деди ал.

Ал чаар аттын «аппалуза» тукумундагы атка окшоштуктары көп экендигин айтат.

«Аппалуза» тукумундагы ат тууралуу уккандан кийин интернет аркылуу анын окшоштуктарын издеп көрдүм. Аны менен өңү-түсү бирдей экен. Мындан сырткары мүнөзү дагы окшош болуп чыкты. Ошондой эле, «аппалуза» аттары АКШда популярдуу экен. Аны атайын чет өлкөлөрдөн издеп келип, алып кеткен учурлар болуптур», - деп кошумчалады.

3

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×