Бөлүмдөр
Шаршемби, 27-сентябрь
68.43    81.46    1.19    KZT 0.2
акыркы жаңылыктар

бардыгы

Жалал-Абад

Фото, видео - Куткаруучулар Аксыдагы селден 5 үй-бүлөнү сактап калышты

Turmush -  Өзгөчө кырдаалдар министрлигинин куткаруучулары Аксы районунда сел каптаган аймактан 5 үй-бүлөнү куткарып калышты.

Райондо 6-июнь күнү саат 17:00 чамасында мөндүр аралаш катуу жаан жаап, Авлетим жана Кара-Суу айыл аймактарындагы турак жайларга жана унаа жолдорго кооптуу абал жаралган. ӨКМдин Жалал-Абад облустук башкармалыгынан алынган маалыматка караганда, Авлетим айыл аймагынын Тегирмен-Сай айылындагы Бузурман-Сай сайынан келген сел суулары өз нугу менен акпай, Авлетим—Товар-Сай ички чарбалык унаа жолуна аккан. Жол боюнда жайгашкан турак жайларды жана ички чарбалык жолду кошо суу каптаган.

«Суунун курчоосунда калган 5 турак жайдын жашоочуларын ӨКМдин Жалал-Абад облусу боюнча башкармалыгынын башчысы А.Бекилов баштаган ыкчам топ куткарып, коопсуз жайга алып чыгышты. Адамдар жабыркаган жок.

Сел суулары агып өтүүчү сайдын нугуна курулган 9 турак жайдын короолорун таш аралаш кум-шагыл каптаган. Ошондой эле, ички чарбалык унаа жолго 210 метр кубга жакын таш аралаш кум-шагыл үйүлүп, унаа жолду жараксыз абалга келтирген. Бул жолдогу каттам убактылуу жабылды», - деп айтылат билдирүүдө.

Учурда райондун аймагында селдин кесепеттерин жоюу иштери улантылып жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1175
Комментарии
Обсуждения закрыты
Көп окулду
×
Урматтуу окурман, мекенибиздин аймактагы «турмушунан» кабар алганыңыз үчүн ыраазычылык билдиребиз.
Куш кабарыбыз маалыматтык чаңкооңузду канааттандырса «Нравится» эн белгисин басуу менен сиз үчүн кылган ишибизге дем бериңиз!
Жабуу