Бөлүмдөр
Жума, 24-ноябрь
69.75    82.62    1.19    KZT 0.21
Жалал-Абад

Аксыда саясатчы А.Бекназаровдун уулу айыл өкмөт башчылыгына кайрадан ат салышат

Turmush -  Аксы районунун Кара-Суу айыл өкмөтүнүн башчылыгына 37 жаштагы Руслан Бекназаров талапкерлигин көрсөттү. Бул тууралуу айылдык кеңештин депутаты Тилеген Керимкулов билдирди.

Анын айтымында, учурда Р.Бекназаров жалгыз талапкер болууда.

Буга чейин маалымдалгандай, Кара-Суу айыл өкмөтүндө 2 тур менен шайлоо өтүп, талапкерлер жетиштүү добуш албай калышкан. Шайлоо 26-январда өтүп, айыл өкмөт башчылыгына 4 талапкер ат салышкан болчу. Алардын бири Алибек Ташкулов шайлоо башталганда талапкерлигин алып салса, 3 талапкер — Базаркул Жоошбаев, Руслан Бекназаров жана Салимбү Кадыркуловалар жетиштүү добуш алышкан эмес.

Шайлоонун 2-турунда Руслан Бекназаров менен Базаркул Жоошбаев ат салышкан. Р.Бекназаров 10 добуш алса, Б. Жоошбаев 8 добуш алып, 3 адам каршы добуш берген. Шайлоонун жыйынтыгы менен Кара-Суу айыл өкмөтүнүн башчысы шайланбай калган. 6 күндөн кийин шайлоодо кворум болбой, айылдык кеңеш тарап кеткен болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1064
Комментарии
Обсуждения закрыты
Көп окулду
Учурда окулуп жатат
×