Бөлүмдөр
Шаршемби, 27-сентябрь
68.43    81.46    1.19    KZT 0.2
акыркы жаңылыктар

бардыгы

Жалал-Абад

Айыл турмушу: Аксылык мугалим Ө.Музурманов жыгачтан оригиналдуу азем белектерди жасайт (фото)

Turmush -  Жалал-Абад облусунун Аксы районуна караштуу Кызыл-Жар айылынын 63 жаштагы тургуну Өскөнаалы Музурманов №34 Н.И.Мешков атындагы орто мектепте кол эмгек сабагынан билим берип келет. Ал 45 жылдан бери жыгачтардан жаныбарлардын элестерин чагылдырган азем белектерди жасап келгенин айтат.

«Студент кезимде сыналгыдан жыгач устанын эмгектерин көрүп, абдан кызыгып калдым. Кийинчерээк ар түрдүү жыгачтар менен иштеп баштадым. Достор менен же жамаат менен тоого барганда мен алардан бөлүнүп, тамырларды, ар кандай жыгачтарды издеп, кошо ала келчүмүн. Ошол кезде да теңтуштар: "Өске биз менен эс алганы келген жок, жыгачтарды издегени келди" деп бир топко чейин тамашалап жүрүштү. Талаадан ар кандай ийрейген жыгачтарды топтоп алып келип, аларды кайра иштеп чыгып, лактап, түрдүү азем белектерди жасап жүрдүм.

Биздин айылдын ортосунан Нарын дарыясы агып өтөт. Кээде жумуштан чыгып алып жээкти бойлоп жөнөйм. Сырттан көргөн адамга бул жат көрүнүшү мүмкүн. Бирок, мен сел менен кошо агып келген шилендилерди кыдырып жүрүп, өзүмө ар кандай жыгачтарды таап алам. Айрым учурда ошончо издеп жүрүп, үйгө алып келген жыгачтарымды балдарым отко жагып салган учурлар болгон. Бул жыгач устачылык менен каражат деле таппайм. Жөн гана хобби катары бош убактымда алектенем. Айрымдар жасаган буюмдарын сатат деп ойлошот. Тескерисинче жыгачтан жасалган азем белектерди туугандарыма, досторго белекке берем. Өзүм мектепте окуучуларга сабак бергеним үчүн жыгач менен иштөөнү окуучуларга дагы үйрөтүп жатам. Айыл өкмөттөр арасында өткөн ар кандай сынактарга катышып, ийгиликке жеттик. Азыр чоң дарактардын дүмүрлөрүнө кызыгып жатам. Ысык-Көлгө эс алганы барганда дарактын дүмүрүнөн жасалган олпок отургуч көрдүм эле, азыр бош убактымда ошондой жасап жатам», - дейт Ө.Музурманов.

Жыгач уста белгилегендей, 45 жылдын ичинде миңден ашуун жаныбарлардын элеси чагылдырылган азем белектерди топтогон. Алардын арасында түрдүү канаттуулар, жаныбарлар, ал тургай өсүмдүктөрдүн элесиндей азем белектер бар.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2474
Комментарии
Обсуждения закрыты
Көп окулду
×
Урматтуу окурман, мекенибиздин аймактагы «турмушунан» кабар алганыңыз үчүн ыраазычылык билдиребиз.
Куш кабарыбыз маалыматтык чаңкооңузду канааттандырса «Нравится» эн белгисин басуу менен сиз үчүн кылган ишибизге дем бериңиз!
Жабуу