Бөлүмдөр
Шаршемби, 17-октябрь
Жалал-Абад облусуАксы району 09.10.2017 14:54

Аксынын Итагар айылында сел алып кеткен көпүрө тургундар тарабынан оңдолду

Turmush -  Аксы районунун Итагар айылында сел алып кеткен көпүрө жергиликтүү тургундар тарабынан оңдолуп, пайдаланууга берилди. Тургундардын айтымында, алар Тескей участкасында жашаган 20га чукул үй-бүлөгө көпүрө курушту.

«Ушул жылдын 5-июнунда сел алып кеткен көпүрөнү оңдоого ӨКМ тарабына цемент бөлүнүп берилген. Аны айыл эли оңдоп, пайдаланууга беришти», - деди алар.

Буга чейин Итагар айылында катуу жааган жамгырдын кесепетинен 5-июнда саат 02:00-03:00 чамасында Итагар дарыясынын деңгээли көтөрүлүп, 4 көпүрөгө кооптуу абал жаралгандыгы маалымдалган.

ӨКМдин райондук бөлүмүнүн башчысы, улук лейтенант Э.Тойчубековдун маалыматына караганда, Тескей участкасындагы Итагар дарыясындагы ички чарбалык унаа өтүүчү 2 көпүрөнүн бири жараксыз абалга келди.

Аталган 4 көпүрөдө каттам токтотулган. Ошондой эле, суу Итагар дарыясынын оң жана сол жээгин жеп, Итагар айылында жээкке жакын жайгашкан 5 турак жайга кооптуу абал жаралган. Ак-Үңкүр участкасындагы Итагар суусуна 1 трактор, 1 УАЗ автоунаасы тыгылып калган. Адам өмүрүнө зыян келген эмес.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×