Бөлүмдөр
Жума, 16-ноябрь
Жалал-Абад облусуАксы району 21.05.2018 19:49

Аксыда жөө адамдар өтүүчү жолго чыгып алган соодагерлер базарга киргизилди

Turmush -  Аксы районунун борбору Кербен шаарында жол боюнда соода кылган соодагерлер жергиликтүүлөрдүн нааразычылыгынан улам базардын ичине киргизилди.

Кербен шаардык мэриясынан кабарлагандай, соодагерлер жол жээгинде мыйзамсыз соода кылып келишкен.

«Бүгүн, 21-майда мэриянын жана милициянын кызматкерлери биргеликте жол жээгине чыгып алган соодагерлерди базардын ичине киргизишти. Соодагерлер үчүн базардын ичинде жай бар. Бирок атаандашуудан улам соодагерлер сыртка чыгып кетип жатышат», - деп билдиришти мэриядан.

Буга чейин Кербен шаарынын тургундары соодагерлер жолго чыгып алып, жөө адамдар баса албай калганын айтып чыгышкан эле.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×