Бөлүмдөр
Жума, 20-июль
Жалал-Абад

Ош—Бишкек жолунун таш көчкү түшкөн тилкеси тазаланып, жол бир тараптуу ачылды

Turmush -  Ош—Бишкек унаа жолунун 421-433-чакырымдарына тоо боорунан түшкөн таш көчкү тазаланып, жол бир тараптуу ачылды. Бул тууралуу ӨКМдин басма сөз кызматы билдирди.

Маалыматка караганда, 25-июнь күнү унаа жолдун Аксы районундагы тилкесине жалпы көлөмү болжол менен 7000 метр куб таш көчкү түшүп, жолду жаап калган. Тазалоо иштерине №38 жол тейлөө ишканасынан 1 жүктөгүч, 1 грейдер, №30 жол тейлөө ишканасынан 1 жүктөгүч тартылган.

Тартылган күчтөрдүн жардамы менен кечээ, 26-июнда 03:00дө унаа жол бир тараптуу ачылып, жалпы 3500 метр куб таш шагылдар тазаланган. Жолду тазалоо жана кеңейтүү иш-чаралары бүгүн, 27-июнда улантылат.

Буга чейин Ош—Бишкек унаа жолунун Кара-Көл шаары менен Таш-Көмүр шаарынын ортосундагы тилкесинде 3 жерге таш көчкү түшүп, жолду тороп калганын Жалал-Абад облустук жол кыймылынын коопсуздугун көзөмөлдөө бөлүмүнүн ага инспектору Айбек Сатыбалдиев билдирген.

Анын айтымында, жолдун көчкү жүргөн 433-чакырымында жол көзөмөлдөөчүлөр иш алып барган.

«Таш көчкүгө жакын жерде эки багытта тең жол убактылуу жабылды. Көчкү Таш-Көмүр, Кара-Көл шаарларынын ортосунда түшкөн. 1-2 саатта жол ачылары күтүлүүдө. Жол Ош—Бишкек жолун тейлеген ишкананын кызматкерлери тарабынан тазаланууда», - деген ал.

Кырсыктан адамдар жабыркаган жок.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 511
Комментарии
Для добавления комментария необходимо быть нашим подписчиком
Көп окулду
×