Бөлүмдөр
Шейшемби, 17-сентябрь
Жалал-Абад облусуАксы району 29.04.2019 13:37

Аксыда Кожо-Ата, Авлетим дарыяларынын кооптуу жээктери бекемделди

Turmush -  25-апрелде Аксы районунун Кызыл-Туу айыл аймагында Кожо-Ата дарыясынын суусу каптаган жол тазаланып бүттү. Бул тууралуу бүгүн, 29-апрелде ӨКМден билдиришти.

Маалыматка караганда, дарыядагы суунун деңгээли көтөрүлүп, Кызыл-Туу жана Жылгын айылдарындагы жөө адамдар өтүүчү 2 көпүрөнүн түркүгүн агызып, авариялык абалга келтирген. Азыр жергиликтүү тургундар айланма жол аркылуу өтүүдө. Мындан сырткары Кожо-Ата дарыясынын жээгиндеги Кара-Жыгач—Сары-Челек унаа жолунун 19-20-чакырымындагы 1,5 метр аралыкты суу ташкыны жеп кеткен. Азыр жол каттам ачык. Кырсык болгон жерге №12 жол тейлөө ишканасынан 3 самосвал, 1 жүктөгүч, 1 грейдер, 1 экскаватор жана Кызыл-Туу айыл өкмөтүнөн 1 экскаватор тартылган. 28-апрель күнү ӨКМ тарабынан бөлүнүп берилген 500 даана капка кум толтурулуп, Кожо-Ата дарыясынын кооптуу деп эсептелген жээктери бекемделди. Мындан сырткары Кара-Жыгач—Сары-Челек унаа жолу калыбына келтирилди.

Ошондой эле 25-апрелде Авлетим айыл аймагында катуу жааган жаандын кесепетинен Авлетим дарыясындагы суу көбөйүп, Авлетим айылында жана Ак-Дөбө тилкесинде дарыянын оң-сол жээктери бузула баштаган. Буга ӨКМден 1 самосвал, Авлетим айыл аймагынан 1 жүктөгүч жана 20 адам тартылган. 28-апрель күнү ӨКМ тарабынан берилген 500 даана капка кум толтурулуп, дарыянын кооптуу деп эсептелген жээктери бекемделди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×