Бөлүмдөр
Жекшемби, 25-август
Жалал-Абад облусуАксы району 03.06.2019 12:22

Министр Н.Мирзахмедов Аксыдагы кооптуу аймактардын абалын көрдү

Turmush -  Бүгүн, 3-июнь күнү өзгөчө кырдаалдар министри Нурболот Мирзахмедов Жалал-Абад облусуна болгон иш сапарынын алкагында ӨКМдин Чаткал райондук бөлүмүнүн №81 өрткө каршы куткаруу бөлүгүнүн абалы менен таанышты. Бул тууралуу аталган ведомствонун басма сөз кызматы билдирди.

Министр Чаткал районунун Жер-Капчыгай айылындагы Чаткал дарыясында жайгашкан ички чарбалык унаа өтүүчү көпүрөнү жеринде көрүп, тиешелүү чечимдерди кабыл алды. Иш сапардын соңунда Аксы районунун Үч-Коргон айыл аймагынын Жыл-Кол айылынын жогору жагында кокту-колоттордон келген сел суулары кооптуулук жараткан турак-үйлөрдү, социалдык объектилерди коргоо максатында сел кармоочу курулма куруу зарыл болгон жерге барган. Маселени чечүү боюнча министрликтин тиешелүү башкармалыктарынын башчыларына тапшырма берди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×