Бөлүмдөр
Жекшемби, 25-август
Жалал-Абад облусуАксы району 06.06.2019 11:02

Аксыдагы сел жеңил унааны агызып кетти

Turmush -  Аксы районунун Ак-Суу айыл аймагында 5-июнь күнү саат 19:00 чамасында катуу жааган жамгырдын кесепетинен Майлы-Сай—Ак-Суу унаа жолунун 3-4-чакырым аралыгында шагыл аралаш сел жүргөн, жол каттамы ачык. Бул тууралуу ӨКМдин басма сөз кызматы билдирди.

Маалыматка караганда, мындан сырткары сел өтүүчү сайда бузулуп калган «Жигули» үлгүсүндөгү унааны сел агызып кеткен. Жабыркагандар жок. Кырсыктын кесепетин жоюуга №38 ЖТИден 1 грейдер тартылып, саат 23:00дө жол толук тазаланган.

Мындан тышкары, Таш-Көмүр шаарында 5-июнь күнү саат 17:00 чамасында катуу жааган жаандын кесепетинен арыктарга суу батпай, түндүк аймактык башкармалыгынын Масалиев көчөсүндө жайгашкан 4 турак үйдүн короолорун суу каптаган. Турак үйлөргө зыян келтирилген эмес.

Кырсыктын кесепетин жоюуга ӨКМдин №2 Өзүнчө куткаруу отрядынан 20 куткаруучу, №57 Өрт куткаруу бөлүмүнөн 10 куткаруучу жана ӨКМдин №6 Өзүнчө мобилдик тоо-кен куткаруу взводунан 6 куткаруучу, жалпы 36 куткаруучу тартылып, саат 18:30да тазалоо иштери толук аяктаган.

Буга чейин Ноокатта сел жүрүп, «Жигули» унаасын агызып кеткени маалымдалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×