Бөлүмдөр
Жекшемби, 25-август
Жалал-Абад облусуАксы району 11.06.2019 11:05

Жалал-Абаддын аймагында сел суулары турак үйлөрдү, ички жолдорду каптады

Turmush -  Жалал-Абад облусунун аймагында сел суулары турак үйлөрдү, ички жолдорду каптады, деп билдирет ӨКМдин басма сөз кызматы.

Маалыматка караганда, Аксы районунун Ак-Суу айыл аймагында 10-июнь күнү саат 20:00 чамасында катуу жааган жамгырдын кесепетинен Балапан-Сай сайынан сел суулары түшкөн. Балапан-Сай жайлоосуна баруучу ички чарбалык унаа жолдун 15-25-чакырымынын айрым жерлерин жана Майлы-Сай—Ак-Суу ички чарбалык унаа жолунун 8-чакырымын сел суулары каптаган. Унаалар кыйынчылык менен өтүүдө.

11-июнь күнү айыл аймак жана №38 жол тейлөө ишканасы тарабынан тазалоо иштери жүргүзүлүүдө.

Ошондой эле Таш-Көмүр шаарынын Кызыл-Жар аймактык башкармалыгында 10-июнь күнү саат 20:00 чамасында катуу жааган жаандын кесепетинен арыктардан суу ашып, Ахунбаев көчөсүндө жайгашкан 4 турак үйдүн короолорун каптаган.

Окуя болгон жерге Таш-Көмүр шаардык жарандык коргонуу комиссиясы жана шаардык өзгөчө кырдаалдар бөлүмүнүн ыкчам тобу тартылып, жергиликтүү бийликке тазалоо иштерин уюштуруу милдеттендирилген.

Мындан тышкары, Ноокен районунун Момбеков айыл аймагындагы Кыла айылында 10-июнь күнү саат 21:20 чамасында катуу жааган жаандын кесепетинен сел өтүүчү арыктардан сел ашып, Бишкек—Ош унаа жолунун 515-чакырымындагы жолду каптаган жана 4 турак үйдүн короолоруна сел суулары кирген.

Ала-Бука районунун 1-Май айыл аймагындагы Алма-Бел айылынын Үч-Терек тилкесинде 10-июнь күнү саат 22:15 чамасында катуу жааган жамгырдын кесепетинен сел жүрүп, Биринчи май—Алма-Бел ички чарбалык унаа жолунун 35-чакырымын сел каптап, жол каттамы жабылган.

Мындан сырткары сугат суу каналынын 4 даана лотогун жана 4 даана суу тосмосун бузуп кеткен. Тазалоо иштерине №17 жол тейлөө ишканасынан 1 жүктөгүч тартылып, саат 04:30да унаа жол толук тазаланган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×