Бөлүмдөр
Жекшемби, 19-январь
Жалал-Абад облусуАксы району 24.12.2019 10:30

Аксыдагы 5 жаштагы кызга байланыштуу окуя тууралуу министрлик билдирүү таратты

Иллюстрациялык сүрөт
Иллюстрациялык сүрөт

Turmush -  Аксы районунда 5 жаштагы кызга байланыштуу окуя тууралуу Эмгек жана социалдык өнүгүү министрлиги билдирүү таратты.

«Соттук-медициналык экпертизанын жыйынтыгы боюнча жашы жете элек кыз зордукталган эмес. Мазар айылынын 1980-жылы туулган тургуну А.Ш.К. мас абалында 5 жашар кызды ата-энесинин жоктугунан пайдаланып зордуктоого аракет кылган. Учурда аталган жаран убактылуу кармоочу жайда. Ал эми кыз өз үйүндө ата-энесинин көзөмөлүндө», - деп айтылат маалыматта.

Буга чейин Аксы районунда 5 жаштагы кызга сексуалдык мүнөздөгү аракеттерди жасаган 39 жаштагы адам эки айга камакка алынгандыгын Жалал-Абад ОИИБдин басма сөз кызматы билдирген болчу.

Маалыматка караганда, ушул жылдын 20-декабрь күнү Аксы РИИБге 1986-жылы туулган Э.Ж. аттуу жаран арыз менен кайрылган. Ал 19-декабрь күнү түштө жолдошу менен базарга кеткен учурда бейтааныш адам анын 5 жаштагы кызына сексуалдык мүнөздөгү ыпылас аракеттерди жасаганын билдирген. Бул факт Аксы РИИБде Кылмыштардын жана жоруктардын бирдиктүү реестрине каттоого алынып, Жазык кодексинин 165-беренеси (Он алты жашка жетелек адам менен сексуалдык мүнөздөгү аракеттер) менен сотко чейинки өндүрүш иши ачылган.

«Бул фактынын бетин ачуу максатында тиешелүү кызматкерлерге атайын тапшырмалар берилип, ыкчам иликтөө иш-аракеттеринин натыйжасында Аксы районунун 1980-жылы туулган А.Ш. аттуу тургуну кармалып, 2 айга камакка алынды. Өндүрүш иши боюнча соттук-биологиялык, соттук-психиатриялык экспертизалар дайындалып, тиешелүү тергөө амалдары жүргүзүлүп жатат», - деп айтылат маалыматта.

Андан мурун 5 жаштагы кызды зордуктоого шектелген адам кармалганы маалымдалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×